السيره النبويه الجزء السابع

size=16]الحمد لله والصلاة والسلام على رسول الله [/size]
اما بعد
انا بعتذر طبعا عن الفترة اللي اتأخرت فيها عن مراسلتكم بس سفري كان لظروف خارجة عن ارادتي بس بأذن الله هاعوض الحلقات اللي فاتتكم كلها
الكلام دة طبعا محدش فاهمه غير الناس اللي متابعة معايا وهم تقريبا واحد بس اللي هو محمود واكيد بشكره علي كدة
ماعلينا نكمل موضوعنا
توقفنا في المرة اللي فاتت مع السيدة هاجر وابنها اسماعيل وعين زمزم
مننساش ان سيدنا ابراهيم بعد ما نفذ امر الله وترك زوجته وابنه دعا الله تبارك وتعالى هذا الدعاء
(رَبَّنَا إِنِّي أَسْكَنْتُ مِنْ ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيمُوا الصَّلاةَ فَاجْعَلْ أَفْئِدَةً مِنَ النَّاسِ تَهْوِي إِلَيْهِمْ وَارْزُقْهُمْ مِنَ الثَّمَرَاتِ لَعَلَّهُمْ يَشْكُرُونَ) (ابراهيم:37)
بوجود عين زمزم ربنا رزقهم من الثمرات باقي الجزء الثاني من الدعاء
احنا قلنا ان العربي دايما كانت هجراته من اجل الماء
والمكان اللي فيه الماء يستقر فيه ولما يخلص يسيبه ويدور على غيره
في نفس اللحظة اللي اتفجرت فيها عين المية دي كانت فيه قبيلة بتهاجر بحثا عن الماء
قبيلة عربية اسمها قبيلة جرهم
بصوا في السماء لقوا طيور غريبة
طيور بتحوم حوالين مكان
وهما عارفين ان الطيور دي مش بتعمل كده الا على عين الماء عشان تشرب هيا كمان
بس المكان ده هما حافظينه لا يوجد فيه ماء اطلاقا
ارسلوا واحد منهم رجع يبلغهم ان فيه عين ماء اتفجرت هناك وحوالين العين امراة وطفل
راحوا كلهم وشوفوا شهامة العربي
استاذنوها انهم يقيموا معاها في المكان ده القبيلة كلها
واذنت لهم
موقف غريب من الرجل العربي انه بيستاذن امراة وطفل رغم انهم لو ارادوا فعلا انهم يقيموا لن تمنعهم لكثرة عددهم وهي امراة وحيدة وطفل
ولكنهم شعروا بان هذه المراة مباركة وهذا الطفل مبارك ( معلش مش اصدي هيا جات كده عدوها)
وفعلا اقاموا معاهم ونشا بينهم سيدنا اسماعيل وتعلم منهم اللغة العربية وصار لسانه عربي وعشان اصله مش عربي لكن لسانه عربي صار هوا واولاده من بعده عرب
بس مش من القسمين الاولانيين
بقا فيه قسم تالت اسمه العرب المستعربة
يعني اللي مكانوش عرب واصبحوا عرب باللسان
وهنا اتحقق الجزء التاني من الدعاء ان ربنا رزقهم الثمرات ورزقهم ناس تكون معاهم
كبر اسماعيل وجاء ابراهيم اكثر من مرة
منها مرة لذبح اسماعيل تنفيذا لامر الله اللي لازم نفهمه كويس
ربنا سبحانه وتعالى يغار على قلب عبده المؤمن
سيدنا ابراهيم كان قلبه متعلقا بالله وليس فيه احد سواه
وجاء لابراهيم ولد بعد عمر طويل
وطبيعي ان يتعلق قلب الاب به وخاصة انه بلغ السعى يعني كبر واصبح يرجى منه النفع
هنا اراد الله اختبار ابراهيم ايهما اعظم في قلبك يا ابراهيم
حبك لله ام حبك لولدك
ولكن ابراهيم كان حبه لله اعظم فاقدم بلا تردد على ذبح اسماعيل فلما وضعه على مكان الذبح واجرى السكين على رقبته فلم تذبح ناداه ربه تبارك وتعالى
(فَلَمَّا أَسْلَمَا وَتَلَّهُ لِلْجَبِينِ) (الصافات:103)
(وَنَادَيْنَاهُ أَنْ يَا إِبْرَاهِيمُ) (الصافات:104)
(قَدْ صَدَّقْتَ الرُّؤْيا إِنَّا كَذَلِكَ نَجْزِي الْمُحْسِنِينَ) (الصافات:105)
وهنا نجح ابراهيم في الاختبار ولا حاجة للذبح الفعلى
(وَفَدَيْنَاهُ بِذِبْحٍ عَظِيمٍ) (الصافات:107)
ورحلة اخرى لبناء الكعبة
ورحلتان اخريتان بعد زواج اسماعيل
وتزوج اسماعيل من قبيلة جرهم
الزوجة الاولى امره ابوه بطلاقها
والزوجة الثانية امره ابوه بامساكها
وانجب اسماعيل منها عشرة ذكور
ومنهم نشأ العرب المستعربة
الذين كان منهم وافضلهم وسيدهم بل سيد ولد ادم سيدنا محمد صلى الله عليه وسلم
ونكمل ان شاء الله في مرة قادمة
والسلام عليكم ورحمة الله وبركاته

مع تحياتي / الاميره الرقيقه..............maloka